१५ जुलै २०२६ : अहिल्यादेवी प्रशालेत नुकताच कालिदास दिन साजरा करण्यात आला. कार्यक्रमाच्या प्रमुख पाहुण्या म्हणून लक्ष्मणराव आपटे प्रशालेच्या माजी पर्यवेक्षिका व संस्कृत तज्ज्ञ सुचरिता पोरे उपस्थित होत्या. दीपप्रज्वलनाने कार्यक्रमाची सुरुवात झाली.
                     ईशस्तवन व कालिदासाष्टकम् सादर झाले. संस्कृत शिक्षिका श्रद्धा कुलकर्णी यांनी प्रास्ताविक केले. पर्यवेक्षिका स्वाती जज्जल यांनी रोप व पुस्तक देऊन पाहुण्यांचा सत्कार केला. राज्यस्तरीय संस्कृत परीक्षेत यश मिळविलेल्या विद्यार्थिनींचा प्रमुख पाहुण्यांच्या हस्ते गौरव करण्यात आला. मुख्याध्यापिका दीपा अभ्यंकर, उपमुख्याध्यापक सुरेश वरगंटीवार, पर्यवेक्षिका स्वाती जज्जल यांच्या मार्गदर्शनाखाली कार्यक्रम यशस्वी झाला. शुभ्रा याळगी व अन्वी भंडारी यांनी सूत्रसंचालन केले. सानिका पोटे हिने आभार मानले.